[港台資訊] 江若琳捱饿被困酒店担遮觅食

whenshow

江若琳（Elanne）与徐克昨日分别抵达水都威尼斯，为出席「第67届威尼斯电影节」做准备，但威尼斯昨日却横风横雨，欢迎这批来访贵宾，Elanne更因大风雨而被困酒店，捱饿逾四小时。
     Elanne主演的寰宇3D恐怖片《童眼》，获邀参加今届「威尼斯电影节」，但Elanne贵人出门即招风雨，她昨日在电话中说：「我哋被困酒店！本来落机都好好天，点知去到酒店就横风横雨，我睇电视天气报告，因听唔明意大利文，就问酒店职员，佢哋话係storm，当地好少咁恶劣天气，由于超大风、超大雨，我哋被迫留喺酒店，不过酒店又冇乜嘢啱食，想话叫pizza，又话天气太差唔送嚟，搞到我肚饿都冇嘢食。」
     Elanne望着劲差天气，把心一横打伞出外搵食，她说：「见啲雨细咗，咪担遮出去觅食，街上好多单车吹到东歪西倒，有啲地方又水浸，不过太肚饿，最后我一手担遮，一手拎住雪糕食，感觉零舍满足，可能肚饿，二来因为之前为咗着靓裙出席影展节食咗一排，依家有得解禁，劲开心！」
     而由英皇电影负责香港区独家发行的新片《狄仁杰之通天帝国》，贵为今届威尼斯电影节唯一入围竞赛单元的华语电影，导演徐克特别提前一天出发，并首次乘坐螺旋桨飞机，他说：「感觉好新鲜，呢次我去威尼斯有项重要任务，就係颁终身成就奖畀我老友吴宇森，但依家颁畀佢係太早啦，将来佢仲会有好多好电影，佢会有第二个终身成就奖！」